විදේශිකයකු කෙසෙල්වත්ත අලුත්කඩේ ප්රදේශයේ ස්ට්රීට් ෆුඩ් නමින් හඳුන්වන ප්රදේශයේදී ආහාර මිලදී ගැනීමට පැමිණි සිටියදී ඔහුට බැණ වැදී හිරිහැර කරන ලදැයි කියන සිද්ධියක් සම්බන්ධයෙන් වෙළඳසල් හිමියෙක් කෙසෙල්වත්ත පොලීසිය විසින් අත්අඩංගුවට ගනු ලැබුවා.
එම විදේශිකයා කොත්තු රොටියක මිල විමසූ අවස්ථාවේදී වෙළඳසල් හිමියා රුපියල් 1900ක් බව පවසන අවස්ථාවේදී මිලදී ගැනීම ප්රතික්ෂේප කිරීමත් සමග වෙළඳ සල් හිමියා මෙලෙස ඔහුට මේ ආකාරයට බැන තර්ජනය කර ඇති බව පොලිස් විමර්ශනවලදී තොරතුරු අනාවරණයවී තිබෙනවා.
මෙම සිද්ධියට අදාළ වීඩියෝවක් මේ දිනවල සමාජ මාධ්යවල ප්රබලව සංසරණය වෙමින් පවතින අතර පොලිසිය එම වීඩියෝ පදනම් කරගෙන විමර්ශන අරඹා සැකකරු මෙසේ අත්අඩංගුවට ගත් බව වාර්තා වනවා.
අත්අඩංගුවට ගත් සැකකරු 51 හැවිරිදි කොළඹ 12 ප්රදේශයේ පදිංචිකරුවෙකි.